اسلام آباد/ اقوام متحدہ۔30مارچ(اے پی پی) اقوام متحدہ دے سیکرٹری جنرل انتونیو گوتریس عید الفطر دے موقع تے پوری دنیا دے مسلماناں کوں ’’ٻوجھل دل‘‘ نال عید الفطر دی مبارخ ݙیندے آکھئے لکھاں مسلمان ایں موقع کوں روایتی خاندانی اجتماعات دے بجائے جنگ اتے نقل مکانی دے تحت منیسن ۔ انہاں آکھئے میں پوری دنیا دے مسلماناں سانڳے عید الفطرتے نیک خواہشات دا اظہار کرݨ چاہنداں ۔ اقوام متحدہ دے سربراہ ایکس تے شیئر کیتے ڳئے اپݨے ویڈیو بیان اچ مزید آکھئے میں بارے دل نال ٻہوں سارے مسلماناں سانڳے سوچیندا پیاں جو جنگ ، جھیڑے یا نقل مکانی پاروں اپݨے خانداناں دے رلے عید نہ منا سڳسن ۔ انہاں عید الفطر دے تہوار دی یکجہتی اتے ہمدردی دی بنیادی اقدار تے زور ݙتے تے امید ظاہر کیتی جو اے اصول منقسم برادریاں کوں ول جوڑ سڳدن ۔ انہاں دا سنھیا اوں ویلھے آئے جݙاں غزہ اچ فلسطینی، ہندوستانی قبضے اچ کشمیری، روہنگیا پناہ گزین، سوڈان دے لوک تے ٻئے جھیڑیں توں متاثرہ مسلمان آبادی کوں جاری تشدد اتے انسانی بحراناں وچال خاص طور تے شدید مسئلیں دا سامݨا اے۔
