لاہور۔30مارچ(اے پی پی) وزیراعظم محمد شہبازشریف ازبکستان دے صدر عزت مآب شوکت مرزیوئیف نال ٹیلی فونک رابطہ کیتے، وزیراعظم ازبک صدر اتے ازبکستان دے عوام کوں عید دی مبارخ ݙتی تے ݙوہیں ملکاں دے عوام دی امن تے خوشحالی سانڳے دعا منڳی ۔ وزیراعظم دفتر دے پریس ونگ توں اتوار کوں جاری بیان موجب صدر شوکت مرزیوئیف وزیراعظم اتے پاکستانی عوام سانڳے نیک خواہشات دا اظہار کیتے۔ انہاں صدر پاکستان آصف علی زرداری تے سابق وزیراعظم پاکستان محمد نواز شریف کوں وی عید دی مبارخ ݙتی ۔ ݙوہیں رہنماواں فروری اچ وزیراعظم دے کامیاب دورہ ازبکستان دے بعد ݙوپاسے تعلقات دی مثبت رفتار تے اطمینان دا اظہار کیتے ۔ انہاں ٻہوں سارے شعبیں اچ پاکستان۔ازبکستان تعاون کوں مزید مستحکم کرݨ سانڳے دورے اچ کیتے ڳئے اہم فیصلیں تے عمل درآمد یقینی بݨاوݨ اچ نیڑے رابطے اچ رہݨ دا عزم کیتے ۔ اہم شعبیں اچ ݙو پاسے تعاون دی پیشرفت دے حوالے نال ݙوہیں فریقاں دی طرفوں سانجھے طور تے شناخت کیتے ڳئے اہداف دا ھک ”روڈ میپ” وضع کیتا ڳئے ۔ وزیراعظم مزید آکھئے چیئرمین سینیٹ دا آندا دورہ ازبکستان ساݙے ݙوطرفہ تعلقات کوں مزید تکڑا کرݨ اچ مفید ثابت تھیسی ۔ وزیر اعظم صدر شوکت مرزیوئیف کوں وختی پاکستان دا سرکاری دورہ کرݨ دی دعوت ݙتی۔
