لاہور۔30مارچ(اے پی پی) وزیراعظم محمد شہباز شریف اڄ شام شام جمہوریہ آذربائیجان دے صدرعزت مآب الہام علیوف نال ٹیلیفونک رابطہ کیتے۔ وزیر اعظم صدر، انھاں دے خاندان تے آذربائیجان دے بھرا عوام سانڳے عید دی دلوں مبارخ ݙتی تے پرتپاک خواہشات دا اظہار کریندے انہاں سانڳے امن تے خوشحالی دی دعا منڳی ۔ وزیراعظم دفتر دے پریس ونگ موجب ݙوہیں رہنماواں ݙوہیں ملکاں وچال نیڑے گھاٹے برادرانہ تعلقات مزید تکڑے بݨاوݨ دا آپݨا سانجھا عزم کیتے ۔ وزیراعظم دے گزریل مہینے باکو دے دورے دی بنیاد تے ݙوہیں رہنماواں ایں ڳالھ تے اتفاق کیتے جو آذربائیجان دے وزیر اقتصادیات اپریل دے پہلے ہفتے اسلام آباد دا دورہ کریسن تے وزیراعظم پاکستان اتے نائب وزیر اعظم/وزیر خارجہ نال ملاقات کریسن ۔ اے دورہ ݙوہیں فریقاں وچال سرمایہ کاری دے اہم معاہدیں کوں چھیکڑی شکل ݙیوݨ کوں یقینی بݨیسی ۔ ایویں اپریل دے مہینے اچ صدرعزت مآب الہام علیوف دے متوقع دورہ اسلام آباد سانڳے معاملات طے تھیسن ۔ وزیراعظم آکھئے صدر الہام علیوف دا آندا دورہ پاکستان ݙوپاسے تعلقات اچ ھک سنگ میل ثابت تھیسی کیوں جو ݙوہیں ملک 2 ارب امریکی ڈالرز دی سرمایہ کاری دے سانجھے سود مند معاہدیں تے دستخط کریسن جئیں توں ݙوہیں ملکاں وچال سٹریٹجک شراکت داری دا نواں باب شروع تھیسی۔
