لاہور۔31مارچ(اے پی پی) وزیراعظم محمد شہباز شریف دی عید دے ݙینھ جاتی عمرہ رائے ونڈ آمد، والدین، بھابھی کلثوم نواز اتے بھرا عباس شریف دیاں قبراں تے فاتحہ پڑھی تے ملک دی سلامتی و خوشحالی سانڳے دعا منڳی سابق وزیراعلیٰ پنجاب حمزہ شہباز تے سلیمان شہباز وی وزیراعظم دے رلے ہن ۔ بعد اچ انہاں مسلم لیگ (ن) دے قائد سابق وزیراعظم محمد نواز شریف نال ملاقات کیتی تے گھرآلیں نال عید منائی ۔جاتی عمرہ اچ تھیوݨ آلی ملاقات اچ وزیراعلیٰ پنجاب مریم نواز، سابق وزیراعلیٰ حمزہ شہباز، کیپٹن (ر) صفدر، سلیمان شہباز اتے ٻئے قریبی رشتہ دار وی موجود ہن۔ وزیراعلیٰ مریم نواز وزیراعظم محمد شہباز شریف دا جاتی عمرہ رائے ونڈ آوݨ تے پرتپاک استقبال کیتے۔
