لاہور ۔1اپریل(اے پی پی) وزیراعظم محمد شہباز شریف آکھئے سندھ دے عوام دی فلاح و بہبود حکومتی ترجیحات دا حصہ اے۔ وزیراعظم دفتر دے پریس ونگ توں جاری اعلامیہ موجب وزیراعظم محمد شہباز شریف اتے گورنر سندھ کامران خان ٹیسوری دا ٹیلی فونک رابطہ تھئے ۔ ایں موقع تے وزیراعظم گورنر سندھ کوں عید الفطر دی مبارخ ݙتی تے نیک خواہشات دا اظہار کیتے ۔گورنر سندھ وی وزیراعظم کوں عیدالفطر دی مبارخ ݙتی وزیراعظم محمد شہباز شریف گورنر سندھ کوں آکھئے صوبہ سندھ دی ترقی نال ہی پاکستان دی ترقی جُڑی اے، سندھ دے عوام دی فلاح و بہبود حکومتی ترجیحات دا حصہ اے ۔ ڳالھ مُہاڑ اچ ملک دی مجموی تے سیاسی صورت حال تے وی ڳالھ مہاڑ کیتی ڳئی۔
