لاہور۔1اپریل(اے پی پی) وزیراعظم محمد شہباز شریف عیدالفطر دے موقع تے وزیراعظم آزاد جموں و کشمیر چوہدری انوار الحق ، گورنر پنجاب سردار سلیم حیدر خان اتے گورنر گلگت بلتستان سید مہدی شاہ نال ٹیلی فون تے رابطہ کرتے عید دی مبارخ ݙتی ۔ وزیراعظم دفتر پریس ونگ توں جاری اعلامیہ موجب وزیراعظم انہاں سانڳے نیک خواہشات دا اظہار کیتے۔ وزیراعظم آزاد جموں و کشمیر، گورنر پنجاب تے گورنر گلگت بلتستان وی وزیراعظم کوں عیدالفطر دی مبارخ ݙتی تے نیک خواہشات دا اظہاروی کیتے۔ وزیراعظم محمد شہباز شریف ملک دی ترقی و خوشحالی سانڳے دعا منڳی تے عوام دی فلاح بہبود سانڳے رل تے کم کرݨ دا عزم کیتے۔
