لاہور۔2اپریل(اے پی پی) وفاقی وزیر داخلہ محسن نقوی لاہوراچ عید الفطردی نماز پڑھی تے بعد اچ عزیز و اقارب سودھے عوام نال ملاقات کرتے انہاں کوں عید دی مبارخ ݙتی ۔ ایں موقع تے انہاں ملک دی ترقی، استحکام، سالمیت، امن تے عوام دی خوشحالی سانڳے خصوصی دعا منڳی۔وزیر داخلہ شہدا وطن دے ایصال ثواب سانڳے دعا کریندے آکھئے عید الفطر دے موقع تے اساں آپݨے انہاں عظیم ہیروز کوں خراج عقیدت پیش کریندوں جنہاں مادرِ وطن دے تحفظ سانڳے آپݨیاں جاناں ݙتن ۔ انہاں شہدا دے خانداناں نال مکمل یکجہتی دا اظہار کیتے۔محسن نقوی مقبوضہ کشمیر اتے فلسطین دے مظلوم مسلماناں کیتے وی خصوصی دعا منڳی تے آکھئے اساکوں آپݨی خوشیاں اچ مستحق بھیݨ بھراویں کوں یاد رکھݨا چاہیدے۔ انہاں آکھئے عید دیاں خوشیاں اچ وطن دے محافظاں کوں وی یاد رکھوں، جنہاں ملک دی حفاظت کیتے آپݨی جاناں دا نذرانہ پیش کیتے
