اسلام آباد۔2اپریل (اے پی پی) وفاقی وزیر داخلہ محسن نقوی عید الفطر دے موقع تے ملک دے امن تے سلامتی سانڳے قربانیاں دا اعتراف کریندے قوم دے شہداء کوں خراج عقیدت پیش کیتے۔ وزارت داخلہ توں جاری اعلامیہ موجب وفاقی وزیرواپڈا ٹاؤن اچ شہید لیفٹیننٹ محمد حسن اشرف دی رہائش گاہ دا دورہ کیتے جتھاں انہاں شہید دے والد محمد اشرف، انھاں دے بھرا محمد حنان اشرف اتے خاندان دے ٻئے لوکاں نال ملاقات کیتی ۔ انہاں اظہار یکجہتی تے تعزیت کیتی ۔ ایں موقع تے محسن نقوی انتہا پسند دہشت گرداں دے خلاف جنگ اچ لیفٹیننٹ حسن اشرف دی غیرمعمولی بہادری اتے لازوال قربانیاں دی تعریف کیتی ۔ انہاں آکھئے لیفٹیننٹ محمد حسن اشرف بہادری نال دہشت گرداں دا مقابلہ کریندے آپݨی جان دا نذرانہ پیش کیتے ۔ انہاں دی بہادری کوں ہمیشہ یاد رکھیا ویسی ۔وفاقی وزیر مرحوم دی روح دے ثواب سانڳے دعا منڳی تے ایں ڳالھدا اعتراف کیتے جو لیفٹیننٹ حسن اشرف جیھے ہیروز قوم سانڳے ماݨ ہن
