میانوالی ۔2اپریل(اے پی پی) وفاقی وزیر اطلاعات و نشریات عطاءاللہ تارڑ حفیظ اللہ نیازی اتے انعام اللہ نیازی دے وݙے بھرا سعید اللہ نیازی دے انتقال تے تعزیت سانڳے انہاں دے گھر ڳئن تے مرحوم دے ثواب سانڳے فاتحہ پڑھی ۔ وفاقی وزیر اطلاعات مرحوم دے بھراویں حفیظ اللہ نیازی اتے انعام اللہ نیازی نال تعزیت کیتی تے مرحوم دی سیاسی تے سماجی خدمات کوں خراج تحسین پیش کیتے ۔ ایں موقع تے وزیر اطلاعات آکھئے سعید اللہ خان نیازی ھک باوقار سیاستدان ہن انہاں دے انتقال تے اساکوں دلی افسوس اے ، ݙکھی خاندان دے ݙکھ اچ برابر دے شریک ہیسے ۔ انہاں دعا منڳی اللہ تعالیٰ مرحوم کوں اپݨے جوار رحمت اچ اعلیٰ مقام اتے لواحقین کوں صبر ݙیون۔
