کاٹلانگ آپریشن اچ17 خارجی ہلاک تھئن ، کہیں عام شہری کوں ضیان نی پُڄا، کوئی ڈرون حملہ کائنی تھیا ، سیکورٹی فورسز کارروائی کیتی اے، عطاءاللہ تارڑ

اسلام آباد۔2اپریل(اے پی پی) وفاقی وزیر اطلاعات و نشریات عطاءاللہ تارڑ آکھئے کاٹلانگ آپریشن اچ17 خارجی ہلاک تھئن ، کہیں عام شہری کوں ضیان نی پُڄا، کوئی ڈرون حملہ کائنی تھیا ،بلکہ سیکورٹی فورسز کارروائی کیتی اے۔ سماجی رابطے دے پلیٹ فارم ”ایکس“ تے آپݨی پوسٹ اچ انہاں آکھئے آپریشن دی جاہ دے نیڑے آبادیاں 6 توں 9 کلو میٹر پرے ہن ، اتھاں کوئی سویلین گھر موجود کائناں ہئی ، انہاں آکھئے مقامی جرگے اچ کجھ لوکاں خارجیاں کوں سہولت ݙیوݨ دا یقین ݙیوایا ہئی جئیں دی ویڈیوز وی موجود ہن ، خارجیاں عید تے مردان اچ حملے دا اعلان کیتا ہئی جو ایں آپریشن پاروں ناکام رہیا ۔ انہاں آکھئے خیبر پختونخوا اچ ہزاراں حملے کرݨ آلیں دی پی ٹی آئی حکومت کݙاہیں مذمت نی کیتی لیکن جݙاں خارجیاں خود تے ڈرون حملے دے غلط خبر کھنڈائی تاں پی ٹی آئی پاک فوج دے خلاف بیانیہ اپنائے تے انہاں دی دلجوئی سانڳے پُڄ ڳئی ۔ انہاں آکھئے کوڑیاں خبراں کھنڈاوݨ آلے خارجیاں دے سہولت کار ہن۔