لاہور۔2اپریل(اے پی پی) وزیراعلی پنجاب مریم نواز عید دیاں چھٹیاں مکݨ تے مسافراں دی واپسی پاروں ٹرانسپورٹ دے مقررہ کرائیں دی وصولی یقینی بݨاوݨ دا حکم ݙتے، لاہور تے ٻئے شہراں اچ مسافراں توں ودھ کرایہ وصول کرݨ آلیں دے خلاف کاروائی کیتی ونڄے ۔ انہاں اوور چارجنگ دی صورت اچ مسافراں توں وصول کیتا ڳیا ودھ کرایہ واپس اتے بس عملے تے جرمانہ لاوݨ دی ہدایت کریندے متعلقہ حکام کوں آکھئے قابل مرمت گاݙیاں کوں اصلوں مسافراں دی زندگی خطرے اچ پاوݨ دی اجازت نہ ݙتی ونڄے ۔ انہاں آکھئے کہیں روٹ تے گاݙیاں اچ اوورلوڈنگ نہ کرݨ ݙتی ونڄے ۔ ٹریفک قوانین دی مکمل پابندی کرائی ونڄے۔
