لاہور۔2اپریل(اے پی پی) وزیراعظم محمد شہباز شریف نال وزیر اعلیٰ بلوچستان سرفراز بگٹی ملاقات کیتی۔وزیراعلیٰ بلوچستان وزیراعظم کوں عید الفطردی مبارخ ݙتی ۔وزیراعظم دفتر دے میڈیا ونگ توں جاری اعلامیہ موجب ملاقات اچ ݙوہیں رہنماواں بلوچستان دی موجودہ اقتصادی، سماجی اتے امن وامان دی صورتحال اتے ایں موقع تے وفاقی حکومت دی طرفوں بلوچستان سانڳے جاری ترقیاتی منصوبیں تے ڳالھ مہاڑ کیتی ۔ وزیراعلیٰ بلوچستان وزیراعظم کوں صوبے دی ترقی دے حوالے نال موجودہ منصوبیں دی پیشرفت دا ݙسائے ۔وزیراعظم ایں ڳالھ تے زور ݙتے جو بلوچستان دی ترقی سانڳے وفاقی حکومت ہر ممکن تعاون کریسی ۔وزیراعظم محمد شہباز شریف ایں ڳالھ دا اعادہ کیتے جو بلوچستان دی ترقی وفاقی حکومت دی اولین ترجیحات اچ شامل اے تے ایں مقصد سانڳے سارے ضروری اقدامات کیتے ویسن۔
