اقوام متحدہ۔3اپریل(اے پی پی) اقوام متحدہ اچ پاکستان دے نویں مستقل مندوب عاصم افتخار احمد یواین سیکرٹری جنرل انتونیو گوتریش کوں آپݨی سفارتی سندھاں پیش کرݙتن ۔ ایں موقع تے آپݨے خطاب اچ عاصم افتخار احمد کثیرالجہتی اتے اقوام متحدہ دے چارٹر دے اصولاں سانڳے پاکستان دے ثابت قدم عزم دا اعادہ کیتے۔ اقوام متحدہ دے سیکرٹری جنرل انتونیو گوتریش عاصم افتخار احمد کوں اقوام متحدہ اچ پاکستان دا مستقل مندوب تعینات تھیوݨ تے مبارخ ݙتی تے انہاں سانڳے نیک خواہشات دا اظہار کیتے ۔ واضح رہے عاصم افتخار احمد 27 نومبر 1966 کوں لاہور اچ ڄمیے ۔ انہاں سفیر منیر اکرم دی جاہ ڳھدی جیڑھے 31 مارچ کوں آپݨی مدت پوری کرݨ دے بعد اقوام متحدہ اچ پاکستان دے مستقل مندوب دی حیثیت نال سبکدوش تھئن ۔اپݨی موجودہ تقرری توں پہلے عاصم افتخار احمد فرانس اتے موناکو اچ پاکستانی سفیر اتے نومبر 2022 توں دسمبر 2024 تئیں اقوام متحدہ دے تعلیمی، سائنسی اتے ثقافتی ادارے (یونیسکو) دے مستقل مندوب دے طور تے خدمات انجام ݙتیا ۔پاکستان دی وزارت خارجہ دے ترجمان سودھے وزارت خارجہ اچ ٻہوں عہدیں تے فائز رہݨ توں پہلے انہاں 2017 توں 2021 تئیں تھائی لینڈ اچ پاکستان دے سفیر اتے اقوام متحدہ دے اقتصادی اتے سماجی کمیشن ایشیا و بحرالکاہل ( ای ایس سی اے پی ) دے مستقل نمائندے دے طور تے وی خدمات انجام ݙتیاں ۔ سفیر عاصم افتخار احمد 1993 اچ پاکستان دی فارن سروس اچ رلیے ۔ ترائے ݙھاکیں تے محیط سفارتی کیرئیراچ انہاں یورپ اتے افریقا توں گھن تے ایشیا تئیں تے اقوام متحدہ اچ وزارت خارجہ اتے ٻاہرلے ملک پاکستانی مشنز اچ مختلف عہدیں تے کیتے ۔ عاصم افتخار یونیورسٹی آف انجینئرنگ اینڈ ٹیکنالوجی لاہور (1991 اچ الیکٹریکل انجینئرنگ، گولڈ میڈل) تے پنجاب یونیورسٹی لاہور (1988، بیچلر آف آرٹس، گولڈ میڈل) توں گریجویٹ ہن۔
