لاہور۔3اپریل(اے پی پی) وزیراعلی پنجاب مریم نواز آکھئے بجلی دیاں قیمتاں گھٹݨ قوم سانڳے ھک تحفہ اے ،حکومت ملک کوں ترقی دے رستے ٹورݨ سانڳے سرگرم عمل اے،پنجاب حکومت وزیراعظم دے تاریخی فیصلے دا خیر مقدم کریندی اے ۔ صدر مسلم لیگ (ن) محمد نواز شریف وزیرِاعظم محمد شہباز شریف اتے انہاں دی ٹیم کوں بجلی دیاں قیمتاں اچ تاریخی گھٹکی تے خراج تحسین پیش کریندے آکھیے گھریلو صارفین سانڳے7.41روپے فی یونٹ اتے صنعتاں سانڳے 7.59 روپے فی یونٹ بجلی دیاں قیمتاں اچ کمی عوام سانڳے وݙی سہولت اے،تاریخ گواہ اے مسلم لیگ (ن) جݙاں وی اقتداراچ آئی ملک کوں بحراناں توں کڈھیے تے عوام کوں حقیقی ریلیف ݙتے،پنجاب حکومت وزیراعظم دے تاریخی فیصلے دا خیر مقدم کریندی اے ۔وزیراعلی مریم نوازآکھیے مسلم لیگ( ن) ݙینھ رات عوام کوں ریلیف ݙیوݨ اچ مصروف اے ،بجلی دے نرخ گھٹݨ معیشت اتے صنعتاں دے ودھارے سانڳے سنگ میل ثابت تھیسی،عید دے موقع تے قوم سانڳے ھک قیمتی تحفہ اے ۔ انہاں آکھیے وزیراعظم محمد شہباز شریف بجلی دیاں قیمتاں اچ گھٹکی نال عوام دوستی،دور اندیشی اتے معاشی بصیرت دا ثبوت ݙتے، انہاں دا فیصلہ محض پالیسی کائنی بلکہ انھاں دی عوام نال دوستی دا اظہاراے،وزیرِاعظم محمد شہباز شریف صدر مسلم لیگ( ن )محمد نواز شریف دے وژن کوں اڳوں ودھیندے پئن۔
