اسلام آباد۔4اپریل(اے پی پی) وزیراعظم محمد شہباز شریف پاکستان سٹاک ایکسچینج ھکے ݙینھ اچ 1800 پوائنٹس ودھݨ تے 120،000 دی نویں اُتلی سطح پار کرݨ تے اطمینان کریندے آکھیے سٹاک ایکسچینج اچ کاروبار دا صحیح پاسے ونڄݨ حکومت دی معاشی پالیسیاں تے تاجراں اتے سرمایہ کاراں دے ودھدے اعتماد کوں ظاہر کریندے ۔ وزیراعظم دفتر دے میڈیا ونگ توں جاری بیان موجب وزیراعظم آکھیے جو بجلی دے نرخاں گھٹائے ڳئن جیں توں نہ صرف گھریلو صارفین کوں ریلیف ملسی بلکہ اے کاروباری برادری صنعتاں سانڳے وی چنڳاں ہے ۔ انہاں آکھیے گزریل ھک سال اچ معاشی اشاریں اتے کاروباری ماحول اچ بہتری حکومت دی معاشی پالیسیاں پاروں ممکن تھئی اے ،حکومت ملک اچ کاروبار اتے سرمایہ کاری سانڳے مثبت ماحول ݙیوݨ سانڳے ترجیحی بنیاداں تے ساریاں سہولتاں ݙیندی پئی اے۔
