وزیراعظم شہباز شریف دا میانمار دے سفارت خانے دا دورہ، زلزلے توں قیمتی جانی و مالی ضیان تے اظہار ہمدردی

اسلام آباد۔4اپریل(اے پی پی) وزیراعظم محمد شہباز شریف میانمار اچ اڄوکے تباہ کن زلزلے توں قیمتی جانی و مالی ضیان تے اظہار ہمدردی و یکجہتی سانڳے میانماردے سفارت خانے دا دورہ کیتے تے اوکھے ویلھے ہرممکن مدد دا یقین ݙیوائے۔ وزیراعظم دفتر دے میڈیا ونگ توں جاری بیان موجب وزیراعظم میانمار دے سفیر ونا ہان نال ملاقات کیتی تے زلزلے پاروں قیمتی جانی ضیان تے ݙکھ تے افسوس کیتے ۔ ملاقات اچ وفاقی

وزیر اطلاعات و نشریات عطاء اللہ تارڑ اتے معاون خصوصی طارق فاطمی موجود ہن۔ایں موقع تے وزیراعظم آکھیے اساں میانماراچ اڄوکے زلزلے دے نتیجے اچ زخمی لوکاں دی وختی صحت یابی تے متاثرہ خانداناں دی بحالی سانڳے دعا کریندوں ،حکومت پاکستان خیمے، دوائیں تے ٻئے امدادی سامان تے مشتمل 35 ٹن دی ھک کھیپ خصوصی پرواز دے ذریعے بھجوا چکی اے اتے حسب ضرورت مزید سامان وی بھجوایا ویندا پئے ۔پاکستان میانمارسانڳے اوکھے ویلھے ہرممکن مدد سانڳے تیار اے۔ میانمار دے سفیر وزیراعظم دے سفارت خانے آوݨ تے حکومت پاکستان دی طرفوں بھرپور تعاون تے اظہار تشکر کیتے۔میانمار دے سفیر آکھیے پاکستان اتے میانمار دوست ملک ہن تے اوکھے ویلھے پاکستان دے تعاون تے میانمار دی قوم تساڈی شکرگزار ہے۔