راولپنڈی۔4اپریل(اے پی پی) وفاقی پارلیمانی سیکرٹری اطلاعات و نشریات بیرسٹر دانیال چودھری آکھیے وزیراعظم آپݨے دانشمندانہ اقدامات توں قوم کوں بجلی دیاں قیمتاں گھٹ کرݨ دا جیڑھا تحفہ ݙتے ایں تے قوم انہاں کوں خراج تحسین پیش کریندی اے۔ شہریاں دی بنیادی سہولتاں تئیں رسائی حکومت دی اولین ترجیح اے۔ اے ڳالھ انہاں راولپنڈی کمشنر آفس اچ ترقیاتی منصوبیں تے عوامی مسئلیں دے حل سانڳے تھیوݨ آلے اجلاس اچ آکھی ۔ انہاں اجلاس اچ حکومت دے بجلی دے نرخاں اچ گھٹکی دے فیصلے دا خیرمقدم کیتے تے آکھئے گھریلو صارفین سانڳے بجلی دے نرخاں اچ 7.41 روپے فی یونٹ جݙاں جو صنعتاں سانڳے 7.59 روپے فی یونٹ کمی عوام کوں مہانگ دے ٻوجھ توں نجات ݙیواوݨ تے صنعتی سرگرمیاں کوں ودھارا ݙیوݨ سانڳے اہم اے ۔ انہاں ایں کوں عید دا “قومی تحفہ” قرار ݙیندے وزیراعظم شہباز شریف دی ہدایات تے عملدرآمد کوں قابلِ ستائش قرار ݙتا۔
