کراچی۔ 05 اپریل (اے پی پی) وفاقی وزیر نیشنل ہیلتھ سروسز ریگولیشنز اینڈ کوآرڈینیشن سید مصطفیٰ کمال سندھ حکومت توں مطالبہ کیتے جو سڑک حادثے اچ جاں بحق تھیوݨ آلیں دے لواحقین کوں 10 ملین اتے زخمیاں کوں 50 لکھ روپے معاوضہ ݙتا ونڄے ۔ انہاں بجلی دیاں قیمتاں گھٹ تھیوݨ تے قوم کوں مبارخ ݙیندے وزیراعظم شہبازشریف اتے کابینہ دیاں کوششاں دی تعریف کیتی انہاں ہفتے کوں اتھاں ڈریپ آفس دا دورہ کرݨ دے موقع تے میڈیا دے نمائندیں نال ڳالھ مہاڑ کریندے پئے ہن ۔ سید مصطفی کمال بجلی دیاں قیمتاں گھٹ تھیوݨ تے سی او اے ایس، وزیراعظم، وزیر توانائی اتے پوری ٹاسک فورس دے کردار دی تعریف کیتی ۔ انہاں آکھیے ایجھے ماحول اچ آئی ایم ایف نال ڈیل تے ول ڳالھ مہاڑ تے گھریلو اتے تجارتی صارفین کوں ریلیف ݙیوݨ قابل تعریف اے تے ایں دی تعریف کرݨی چاہیدی اے ۔ انہاں گردشی قرضے کوں گھٹ کرم اچ مخلصانہ کوششاں تے سی او اے ایس اتے وزیر اعظم دے کردار دی تعریف کیتی ۔ انہاں عندیہ ݙتے وختی ہی آئی پی پیز اتے ڈسٹری بیوشن کمپنیاں دی نجکاری کیتی ویسی ۔ نجکاری ضروری اے لیکن اجارہ داری کوں ختم کرݨ سانڳے اساکوں مارکیٹ کوں آزاد کرݨا ہوسی انہاں اعلان کیتے جو ایم کیو ایم (پاکستان) ایس بی سی اے اچ نویں مجوزہ ترمیمی رولز دی مخالف اے کیوں جو رہائشی پلاٹاں تے کمرشل سرگرمیاں دی اجازت نی ہووݨی چاہیدی ۔نیشنل ہیلتھ سروسز ریگولیشنز اینڈ کوآرڈینیشن تے ڳالھ کریندے وفاقی وزیر آکھیے کوششاں جاری ہن جو ٹیلی میڈیسن شروع کرتے تریجھے درجے دی ݙیکھ بھال کرݨ آلے ہسپتالاں تے ٻوجھ گھٹ کیتا ونڄ سڳے انہاں اعلان کیتے وختی نادرا نال مشاورت توں انہاں دی وزارت ھک مریض دی ھک ایم آر آئی ڈی (میڈیکل ریکارڈ آئی ڈی) شروع کرݨ ویندی پئی اے۔
