اسلام آباد/لاہور۔5اپریل(اے پی پی) پاکستان مسلم لیگ (ن) دے صدر محمد نوازشریف بجلی دیاں قیمتاں گھٹ تھیوݨ تے عوام کوں مبارخ ݙیندے آکھیے جو بجلی دیاں قیمتاں اچ اڄوکی گھٹکی توں مہانگ ٻئی گھٹ تھیسی ۔ آپݨے بیان اچ محمد نواز شریف آکھیے الحمدللہ ملک دی معیشت اچ بہتری توں عام آدمی دی زندگی اچ بہتری آندی پئی اے ۔ انہاں آکھیے حکومت غریباں اتے متوسط طبقے دی زندگی اچ سوکھ گھن آوݨ دی پوری کوشش کریندی پئی اے ۔ محمد نوازشریف آکھیے حکومت دی مسلسل کوششاں توں مہانگ دا خاتمہ ممکن تھیسی ۔محمد نواز شریف سیکرٹری جنرل احسن اقبال کوں پارٹی دے صوبائی سطح تے اجلاس سݙ تے عوام دے ریلیف سانڳے حکومتی اقدامات دی تحسین کرݨ دی وی ہدایت کیتی۔
