لاہور۔6اپریل(اے پی پی) وفاقی وزیر قانون و انصاف سینیٹراعظم نذیر تارڑ آکھیے ایس او ایس ویلیجز پاکستان بے سہارا اتے یتیم ٻالاں کوں معاشرے دا مفید شہری بݨاوݨ سانڳے انسانیت دی بے مثال خدمات انجام ݙیندا پئے ، ادارے دی گولڈن جوبلی ھک تاریخی موقع اے، وزیراعظم محمد شہباز شریف دی طرفوں ادارے سانڳے 100 ملین روپے دی مالی معاونت ایں خدمت دے اعتراف دا مظہر اے۔ او ایس او ایس ویلیجز پاکستان دی 50ویں سالگنڈھ دی تقریب توں بحیثیت مہمانِ خصوصی خطاب کریندے پئے ہن۔تقریب اچ صدر ایس او ایس ویلیجز پاکستان ثریا انور، صدر انٹرنیشنل ایس او ایس ویلیجز ڈاکٹر وڈوفا، سابق گورنر پنجاب و صدر الیکٹ ایس او ایس پاکستان شاہد حامد، ڈونرز،مختلف شعبہ ہائے زندگی توں تعلق رکھݨ آلی نمایاں شخصیات، میڈیا نمائندگان اتے ٻالاں دی وݙی تعداد شریک ہئی ۔ وفاقی وزیرقانون آکھیے میکوں اتھاں آتے دلی خوشی تھئی اے ، ایس او ایس دے ٻال ساݙا ماݨ ہن جیڑھے جو مختلف شعبیں اچ ملک دی خدمت کریندے پئن ،ایس او ایس پاکستان پورے ملک اچ کھنڈ ڳئے اے ھک ایجھا ادارہ اے جیڑھا ٻالاں کوں نہ صرف تحفظ ݙیندے بلکہ انہاں کوں تعلیم ، تربیت تے کردار سازی دے مرحلے توں گزار تے باوقار زندگی گزارݨ دے قابل بݨیندے ۔ انہاں ادارے دی گولڈن جوبلی دے موقع تے ٻالاں ، منتظمین و معاونین کوں مبارخ ݙتی تے آکھیے اساں لوک ھک مٹھ تھی تے ھک بہتر پاکستان بݨا سڳدوں ، جے معاشرے دے صاحب حیثیت لوک رضاکارانہ طور تے ھک ٻال دی اعلی تعلیم دا خرچ برداشت کرن تاں ادارے دے اہداف اچ مزید بہتری آسڳدی اے ۔
