اسلام آباد۔6اپریل(اے پی پی) صدر مملکت آصف علی زرداری ضلع شمالی وزیرستان اچ پاک۔افغان سرحد تے دراندازی دی کوشش ناکام بݨاوݨ تے8 خوارج جہنم واصل کرݨ تے سیکورٹی فورسز کوں خراج تحسین پیش کریندے آکھیے پاکستان دی بہادر افواج ملکی سرحداں دی ہر ویلھے حفاظت سانڳے پرعزم ہن۔ ایوان صدردے پریس ونگ موجب صدرمملکت وختی کارروائی دے دوران 8 خوارج کوں جہنم واصل کرݨ تے سیکیورٹی فورسز دی بہادری دی تعریف کیتی ۔ صدر مملکت آکھیے جو پاکستان دی بہادر افواج ملکی سرحداں دی ہر ویلھے حفاظت سانڳے پرعزم ہن ، دہشت گردی دی عفریت منڈھوں مکاوݨ تئیں دہشتگرداں دے خلاف کاروائیاں جاری رہسن ۔ صدر مملکت آکھیے پوری قوم دہشت گردی دے خلاف جنگ اچ اپݨی سیکیورٹی فورسز نال کھڑی اے
