لاہور۔6اپریل(اے پی پی) وزیراعظم محمد شہباز شریف حسن خیل اچ پاک۔افغان سرحد توں فتنہ الخوارج دے دھشتگرداں دی پاکستان اچ دراندازی دی کوشش ناکام بݨاوݨ تے سیکیورٹی فورسز دے افسران و اہلکاراں دی پذیرائی کیتی اے۔ وزیراعظم دفتر دے پریس ونگ موجب وزیرِاعظم 8 خارجیاں کوں جہنم رسید کرݨ تے چار کوں زخمی حالت اچ گرفتار کرݨ تے سیکیورٹی فورسز دے افسراں تے اہلکاراں دی پیشہ ورانہ صلاحیتاں دی تعریف کیتی۔ وزیراعظم آکھیے جو سیکیورٹی فورسز دے افسراں تے اہلکاراں فتنہ الخوارج دے پاکستان اچ شرانگیزی دے ناپاک عزائم کوں ناکام بݨائے ۔ وزیرِاعظم آکھیے افواج پاکستان دے افسران و جوان ملکی سرحداں توں کہیں وی قسم دی شرانگیزی دی کوششاں کوں ناکام بݨاوݨ سانڳے ݙینھ رات مصروف ہن
