اسلام آباد۔7اپریل(اے پی پی) وزیراعظم محمد شہباز شریف ضلع ڈیرہ اسماعیل خان دے علاقے تکواڑا اچ فتنتہ الخوارج دے دہشت گرداں دے خلاف سکیورٹی فورسز دی کامیاب کارروائی دی تعریف کریندے آکھیے دہشت گردی دے خلاف جنگ اچ پوری قوم سکیورٹی فورسز دے رلے کھڑی اے ۔ وزیراعظم دفتر دے میڈیا ونگ توں جاری بیان موجب وزیراعظم آپریشن اچ دہشت گرداں دے مطلوب لیڈر سودھے 9 خوارجی دہشت گرداں دی ہلاکت تے سکیورٹی فورسز کوں شاباش ݙتی۔ وزیراعظم آکھیے دہشت گردی دے خلاف جنگ اچ پوری قوم سکیورٹی فورسز دے رلے کھڑی اے۔ ملک توں ہر قسم دی دہشت گردی مکاوݨ سانڳے پرعزم ہیسے۔
