اسلام آباد۔7اپریل(اے پی پی) وفاقی وزیر قومی صحت سید مصطفیٰ کمال آکھیے پاکستان اچ ہر ماء ، ہرنوزائیدہ، ہر جاہ چنڳی صحت نال پروان چڑھن، ملک اچ ایں ویلھے 54 فیصدآبادی کوں بنیادی صحت دیاں ضرورت خدمات ملدیاں پئن ۔ انہاں صحت دے جگ ݙیھاڑ تے آپݨے سنھیے اچ اے ڳالھ آکھی اے۔صحت دا جڳ ݙیھاڑ ہر سال 7 اپریل کوں منایا ویندے اڄوکے سال ایں ݙینھ دا موضوع ’’صحت مند آغاز، امید بھریا مستقبل‘‘ رکھیا ڳئے ۔ انہاں آکھیے تکھے ودھدی آبادی صحت دے وسائل تے دٻاؤ پیندی پئی اے ۔ قائداعظم محمد علی جناح دا ھک صحت مند قوم دا خواب ہی ساݙی رہنمائی کریندے ۔اساں یونیورسل ہیلتھ کوریج دے پاسے ٹردے پیوں ۔ علاج دیاں سہولتاں یقینی بݨاوݨ سانڳے ٹیلی میڈیسن دے پاسے ویندے پیوں ۔ ڈاکٹرز تےر دوا کوں عوام دے دروازے تے گھن آسوں ۔ نرساں دی تعداد ودھاوݨ سانڳے اقدامات کیتے ویندے پئن ۔ون پیشنٹ ون آئی ڈی دا نظام متعارف کرویندے پیوں ۔آؤ ایں خواب دی تکمیل دے پاسے قدم ودھاؤں۔
