اسلام آباد۔7اپریل(اے پی پی) صدر مملکت آصف علی زرداری ڈیرہ اسماعیل خان اچ کامیاب آپریشن تے 9 خوارج جہنم واصل کرݨ تے سیکیورٹی فورسز کوں خراج تحسین پیش کریندے آکھیے دہشت گرد عناصر مکاوݨ تے ملکی دفاع ساںڳے ساݙا عزم غیر متزلزل رہسی۔ ایوانِ صدر دے پریس ونگ توں جاری بیان موجب صدر مملکت انٹیلیجنس تے مبنی کارروائیاں دے دوران ہائی ویلیو ٹارگٹ سودھے فتنہ الخوارج دے 9 دہشت گرداں دا قلع قمع کرݨ تے سکیورٹی فورسز دی بہادری دی تعریف کیتی ۔کارروائی دے دوران دہشتگرداں دے سرغنہ کوں جہنم واصل کرݨ تے سیکیورٹی فورسز دی تعریف کریندے آکھیے دہشت گرداں دے سرغنہ کوں ہلاک کرݨ سکیورٹی فورسز دی وݙی کامیابی اے۔ صدر مملکت آکھیے دہشت گرداں کوں منڈھوں مکاوݨ تئیں سیکیورٹی فورسز دی کارروائیاں جاری رہسن، پاکستان دی سیکیورٹی فورسز دا دہشت گردی مکاوݨ سانڳے کامیاب کارروائیاں کرݨ چنڳی ڳالھ اے ۔ صدر مملکت فتنہ الخوارج دے منڈھوں مکاوݨ دے قوم عزم دا اظہار وی کیتے۔
