اسلام آباد۔7اپریل(اے پی پی) وفاقی وزیر پٹرولیم علی پرویز ملک آکھیے ݙو ݙینھ وار پاکستان منزلز انویسٹمنٹ فورم (پی ایم آئی ایف25)دا باضابطہ آغاز کل تھیسی جئیں اچ کئی ملکاں دی منرلز کمپنیاں نال معاہدے متوقع ہن، فورم اچ شرکت سانڳے غیر ملکی مندوبین دی آمد دا سلسلہ شروع تھی چکیے ، فورم دا مقصد پاکستان دے معدنی ذخیرے اچ سرمایہ کاری دی موقع کوں اجاگر کرݨ تے پائیدار معاشی استحکام سانڳے اپݨے معدنی ذخیرے دے وسائل بروئے کار گھن آوݨ اے ،منرل انویسٹمنٹ فورم اچ تقریبا 300 غیر ملکی نمائندے شرکت کریسن۔ مینجنگ ڈائریکٹر او جی ڈی سی ایل دے رلے پریس کانفرنس توں خطاب کریندے انہاں آکھیے وزیراعظم محمد شہباز شریف دے وژن موجب پاکستان اچ معدنی وسائل اتے کان کنی دے دستیاب صلاحیتاں دی آگاہی سانڳے اے یونٹ کرایا ویندا پئے۔ ترقیب اچ پاکستان دی اڄوکی پالیسی اصلاحات اتے نیشنل منرلز ہارمونائزیشن فریم ورک دا تعارف، ادارہ جاتی صلاحیت دی تعمیر اتے پائیدار توانائی دی منتقلی سانڳے عزم کوں وی پیش کیتا ویسی شرکا کوں ملک دے معدنی شعبے دی ترقی سانڳے سٹریٹجک وژن بارے براہ راست معلومات حاصل تھیسن جیڑھی جو ھک پرکشش سرمایہ کاری دے مقام دے طور پتے تکڑا کریسی ۔ انہاں آکھیے سعودی عرب، چین، امریکہ، کینیڈا، آذربائیجان، ازبکستان، قازقستان، ترکمانستان، چیک ریپبلک، فن لینڈ ، یو کے، انڈونیشیا، ڈنمارک، کینیا سودھے ٻہوں سارے ملکاں دے سینئر حکام ، نمائندے تے کمپنیاں وی ایں ایونٹ اچ شرکت کریندیاں پئن ، فورم اچ تقریبا 300 دےنیڑے غیر ملکیاں دی شرکت متوقع اے۔ پاکستان اچ بے پناہ معدنی ذخائر موجود ہن، پی ایم آئی ایف25 پاکستان دے معدنی شعبے اچ سرمایہ کاری دے موقع کوں دریافت کر سانڳے عالمی سٹیک ہولڈرز داھک اہم پلیٹ فارم اے۔
