اسلام آباد۔7اپریل(اے پی پی) وزیراعظم محمد شہباز شریف آکھیے حکومت ٹاسک فورس دی سفارشات دی روشنی اچ میری ٹائم شعبے اچ اصلاحات کریسی ، عالمی منڈی اچ پٹرولیم دیاں قیمتاں گھت تھیوݨ دا فیدہ وی معیشت اتے عوام کوں منتقل کریسوں، ایں حوالے نال آپشنز زیر غور ہن ۔ میری ٹائم دے شعبے اچ اصلاحات دے حوالے نال اجلاس دی صدارت اچ وزیر اعظم آکھیے ماضی اچ میری ٹائم سیکٹر جمود دا شکار رہیا تے اڳوں نی ودھ سڳیا ، اصلاحات سانڳے ٹاسک فورس بݨائی ڳئی ہئی جیں آپݨی سفارشات پیش کرݙتن جیڑھی جو حکومت سانڳے معاون ثابت تھیسن۔ وزیر اعظم آکھیے حکومت بجلی دیاں قیمتاں اچ کمی کیتی اے، کئی مہینے توں ایں تے کم جاری ہئی ۔ اڄوکی کمی زراعت ، صنعت ، تجارت ، برآمد کنندگان تے گھریلو صارفین سودھے ساریں سانڳے فیدہ مند اے ۔ آندے مہینیں اچ ایں حوالے نال مزید بہتر نتائج سامݨے آسن ، میکرو لیول تے معیشت مستحکم تھی ڳئی اے ۔ ساݙی مقامی صنعت بجلی دیاں قیمتاں اچ کمی توں مقابلے دی پوزیشن اچ آویسی ، انہاں دی پیداواری لاگت گھٹ تھیسی ، روزگار دے موقع ودھ ویسن ، برآمدات ودھسن حکومت ٻئے شعبیں اچ وی اقدامات کریندی پئی اے اڄوکے ݙیھاں اچ تیل دی عالمی منڈی اچ قیمتاں نمایاں طور تے گھٹ تھئن ایں دا دیر تئیں فیدہ چاوݨ سانڳے سوچ وچار اتے ضروری اقدامات کریندے پیوں ایں حوالے نال کئی آپشنز زیر غور ہن۔ بجلی دیاں قیمتاں اچ وی عوام کوں ایندا فائدہ منتقل کیتے، ہݨ وی معیشت اتے عوام دے مفاد اچ فیصلے کریسوں۔
