اسلام آباد۔7اپریل (اے پی پی) وفاقی وزیر تجارت جام کمال خان امریکی ٹیرف پالیسیاں توں سامݨے آوݨ آلے خدشات پاروں مختلف برآمدی شعبیں توں تعلق رکھݨ آلے اعلیٰ سطحی برآمد کنندگان نال اہم اجلاس دی صدارت کیتی ۔ وزارت تجارت اچ تھیوݨ آلے اجلاس اچ ٹیکسٹائل، گارمنٹس، لیدر، سرجیکل آلات، خدمات، پھل تے سبزیاں، چاول، جتیاں تے ٻئے برآمدی صنعتاں دے نمائندگان شریک تھئن۔وزیر تجارت جام کمال خان ایں موقع تے وزارت تجارت دے فعال کردار کوں اجاگر کیتے تے آکھیے حکومت امریکہ نال بہتر تجارتی رابطے سانڳے ھک جامع حکمت عملی تے کم کریندی پئی تاں جو سانجھے مفاد تے مبنی نتیجے ڳھدے ونڄ سڳن ۔ ساݙی تجارتی ٹیماں اتے امریکا اچ موجود سفارتکار متعلقہ حکام نال مسلسل رابطے وچ ہن تاں جو پاکستان دے خدشات موثر طریقے نال پڄائے ونڄ سڳن ۔ جام کمال آکھیے نجی شعبہ ایں حکمت عملی دی تشکیل اچ مرکزی کردارنبھیسی ۔ وزیر تجارت برآمد کنندگان توں تجویزاں تے سفارشات منگ ڳھدن تے تاں جو ھک تکڑی تےقابل عمل پالیسی بݨائی ونڄ سڳے نجی شعبے وزیر تجارت دی قیادت اچ حکومت دی وختی تے فعال کوششاں دی تعریف کیتی تے سٹیک ہولڈرز کوں مشاورت اچ رلاوݨ دے حکومتی عزم دی تعریف کیتی۔
