اسلام آباد۔7اپریل (اے پی پی) وفاقی وزیر مذہبی امور سردار محمد یوسف آکھیے بین المذاہب ہم آہنگی دے ودھارے دے ذریعے خطے اچ یگانگت ، اتحاد تے امن کوں ودھارا ݙتا ونڄ سڳدے۔ اے ڳالھ انہاں آپݨے دفتر اچ قازقستان دے سفیر یرژان کِسٹافن کوں ملاقات اچ آکھی ۔ انہاں وزارتِ مذہبی امور دے ذریعے برادر اسلامی ملکاں نال تعلقات کوں مزید فعال کرݨ دا عزم کریندے آکھیے گزریل دور حکومت اچ بین المذاہب ہم آہنگی دے ودھارے سانڳے ٻہوں کم کیتے ، پارٹی پالیسی ،قائد نواز شریف اتے وزیر اعظم شہباز شریف دی ہدایت تے تعلقات دے ودھارے دا احیاء کریندے پیوں ۔ انہاں سفیر دی طرفوں قازقستان اچ تھیوݨ آلی کانگریس آف دی ورلڈ لیڈرزاچ شمولیت دی دعوت دا خیر مقدم کیتے تے آکھیے ݙوہیں ملکاں وچال طلباء تے علمائے کرام دے وفد دا تبادلے چاہندوں جیں توں عوامی سطح دے تعلقات کوں مزید ودھارا ملسی قازقستان دے سفیر یرژان کِسٹافن آکھیے اڄوکے سال اکتوبراچ صدر قازقستان دا دورہ پاکستان متوقع اے، گزریل سال سنٹرل ایشیا اچ قازقستان پاکستان دا ساریں توں وݙا تجارتی پارٹنر ہئی ، کوشش اے اڄوکے سال قازقستان توں پاکستان دی براہ راست پروازاں ول شروع کیتیاں ویسن ۔ انہاں ݙسائے قازقستان دے کھلاڑیاں اور تاجراں دا ھک وفد وختی پاکستان آندا پئے ، تاجراں دا وفد کراچی اچ تھیوݨ آلے بزنس فورم اچ شرکت کریسی پاکستان نال سانجھے تعاون دے ٻہوں سارے معاہدیں تے دستخط کریندے پیوں۔
