اسلام آباد۔9اپریل(اے پی پی) وفاقی وزیر قومی غذائی تحفظ و تحقیق رانا تنویر حسین نال اکنامک کوآپریشن آرگنائزیشن (ای سی او ) دے سیکرٹری جنرل اسد مجید ملاقات کیتی۔ ملاقات اچ ای سی او دے سیکرٹری جنرل پاکستان کوں یورپی یونین دے مختلف زرعی پروگرام اچ رلݨ دی دعورت ݙتی ۔وفاقی وزیر رانا تنویر حسین آکھیے پاکستان ھک زرعی ملک اے اتے وزیراعظم محمد شہباز شریف دی قیادت اچ زراعت دے شعبے اچ اصلاحات دا سلسلہ بھرپور انداز اچ جاری اے۔ انہاں آکھیے حکومت دا معیاری بج دی تیاری اولین ترجیح اے تاں جو فصل دی پیداوار اچ ودھارا تے کسان خوشحال تھیوے۔انہاں مزید آکھیے زراعت دی ترقی سانڳے پاکستان جدید ٹیکنالوجی اپنیندا پئے جئیں اچ ایروپانکس ٹیکنالوجی دے ذریعے آلوں دی پیداوار اچ چنڳی بہتری ݙٹھی ویندی پئی اے ۔رانا تنویر حسین آکھیے فوڈ سیکورٹی ھک عالمی مسئلہ اے لیکن پاکستان ایں چیلنج تے قابو پاوݨ سانڳے پرعزم اے۔ انہاں آکھیے وزیراعظم شہباز شریف زراعت دے ودھارے اچ خصوصی دلچسپی رکھیندن تے انہاں دی ہدایت تے وزارت قومی غذائی تحفظ و تحقیق کساناں دی خوشحالی اتے زرعی ترقی سانڳے ݙینھ رات کم کریندی پئی اے ،وزارت قومی غذائی تحفظ و تحقیق زراعت دی بہتری، معیاری پیداوار اتے فوڈ سکیورٹی یقینی بݨاوݨ سانڳے آپݨی کوششاں جاری رکھیسی
