اسلام آباد۔10اپریل(اے پی پی) وفاقی وزیرانفارمیشن ٹیکنالوجی و ٹیلی کمیونیکیشن شزہ فاطمہ خواجہ وزیراعظم پاکستان دے وژن دے تحت ڈیجیٹل ترقی اتے جدید ٹیکنالوجی دے ودھارے تے زور ݙیندے آکھیے ڈیجیٹل ٹرانسفارمیشن اچ جاپان دے تجربیں توں فیدہ چاتا ویسی ۔ وزارتِ انفارمیشن ٹیکنالوجی اتے ٹیلی کمیونیکیشن توں جاری بیان موجب اے ڳالھ انہاں جاپان دے سفیر ہِی اکاماتسو شویتسی کوں آکھی جنہاں اتھاں وزارت اچ ملاقات کیتی ۔ وفاقی وزیرنے وزیراعظم پاکستان دے وژن دے تحت ڈیجیٹل ترقی اتے جدید ٹیکنالوجی دے ودھارے تے زور ݙتے ، انہاں ڈیجیٹل ٹرانسفارمیشن اچ جاپان دے تجربیں توں فیدہ چاتا ویسٰ ۔ ملاقات اچ پاکستان اتے جاپان وچال ٹیکنالوجی تے ڈیجیٹل معیشت اچ تعاون تے اتفاق اتے انسانی وسائل دی ترقی بارے ڳالھ مہاڑ کیتی ڳئی ۔ فریقین مصنوعی ذہانت دے شعبے اچ تعاون ودھاوݨ تے وی ڳالھ مہاڑ کیتی ۔ملاقات اچ پاکستانی نینگراں سانڳے تعلیم، تربیت اتے روزگار دے موقع تے ڳالھ مہاڑ کیتی ڳئی تے پاکستان اچ ہنر مند افرادی قوت دی تیاری سانڳے مشترکہ اقدامات تے زور ݙتے ۔ فریقین تعلیم، تحقیق اتے جدید ہنر دے ودھارے سانڳے تعاون تے اتفاق کریندے آئی سی ٹی، مصنوعی ذہانت اتے ڈیجیٹل گورننس اچ تربیتی پروگرامز تے ڈیجیٹل معیشت اچ نینگراں سانڳے روزگار دے موقع بارے تفصیلی ڳالھ مہاڑ کیتی ایں دوران پاکستان اتے جاپان وچال سانجھی دلچسپی دے امور بارے مثبت تبادلہ خیال تے ڈیجیٹل پاکستان دے وژن دی تکمیل سانڳے جاپان نال اشتراک تےاتفاق کیتا ڳئے۔جاپانی سفیر پاکستان اچ تعلیم و ٹیکنالوجی دے ودھارے بارے تعاون دا یقین ݙیوائے۔
