اسلام آباد۔10اپریل(اے پی پی) وفاقی وزیر نیشنل فوڈ سکیورٹی اینڈ ریسرچ رانا تنویر حسین آکھیے کچن گارڈننگ نہ صرف ھک صحت مندانہ سرگرمی اے بلکہ اے ماحول دوست اتے شہریاں دی مالی خود کفالت دا مؤثر ذریعہ وی اے اساکوں کچن گارڈننگ کوں ودھارا ݙیوݨ دی ٻہوں لوڑھ اے ۔ حکومت ایں کلچر دی بحالی سانڳے سنجیدہ اقدامات چیندی پئی اے ۔ اے ڳالھ انہاں اربن ایگریکلچر اجلاس توں خطاب کریندے آکھی ۔اجلاس دے شروع تھیوݨ تے ندیم اقبال کچن گارڈننگ اتے اربن ایگریکلچر دے حوالے نال تفصیلی بریفنگ ݙتی۔ایں موقع تے وفاقی وزیر آکھیے کچن گارڈننگ نہ صرف ھک صحت مندانہ سرگرمی اے بلکہ اے ماحول دی بہتری اتے شہری خود کفالت دا مؤثر ذریعہ وی اے۔ انہاں آکھیے اساکوں کچن گارڈننگ کوں ودھارا ݙیوݨ دی ٻہوں لوڑھ اے ، کیوں جو اے کلچر ساݙے معاشرے توں ختم تھیندا ویندا ویندے ۔ حکومت ایں کلچر دی بحالی سانڳے سنجیدہ اقدامات چیندی پئی اے ۔وفاقی وزیر مزید آکھیے کینیا، برازیل اتے کیوبا جیھے ملکاں دے کامیاب ماڈلز دا جائزہ ڳھدا ویندا پئے تاں جو انہاں توں سکھ تے مقامی سطحتے قابل عمل حکمت عملی اپنائی ونڄ سڳے۔ انہاں ݙسائے حکومت وختی ماحول اتے زراعت دی بہتری سانڳے عملی اقدامات چاوݨ ویندی پئی اے۔ ایں سلسلے اچ نیشنل ایگریکلچر ریسرچ کونسل (این اے آر سی) اتے کیپیٹل ڈیولپمنٹ اتھارٹی (سی ڈی اے) دے تعاون نال ھک ماڈل منصوبہ تشکیل ݙتا ویندا پئے جئیں توں عام شہری فیدہ چیسن ۔انہاں آکھیے اے ماڈل نہ صرف شہریاں کوں سستی اتے تازہ سبزیاں ݙیسی بلکہ شہریاں کوں آگاہی ݙیسی تے ماحول کوں وی سوہݨا بݨاوݨ اچ مددگار ثابت تھیسی۔
