اسلام آباد۔10اپریل(اے پی پی) ترجمان دفتر خارجہ شفقت علی خان آکھیے بھارت دے غیر قانونی طور تے زیر تسلط جموں و کشمیر اچ انسانی حقوق دی خلاف ورزیاں جاری ہن ۔ پریس بریفنگ اچ انہاں آکھیے بھارتی حکام ھک واری ول سری نگر دی تاریخی جامع مسجد اتے عیدگاہ اچ عید الفطر دی نماز دی ادائیگی دی اجازت ݙیوݨ توں انکار کیتا۔ انہاں آکھیے ایں توں پہلے لیلتہ القدر دی مقدس رات اچ نمازیاں کوں جامع مسجد اچ جمع تھیوݨ توں وی روکیا ڳئے ، بھارتی حکام گزریل کئی سالاں توں سری نگراچ ایں طرح دیاں پابندیاں نافذ کریندے آندن ۔ترجمان آکھیے بھارت دے غیر قانونی طور تے زیر تسلط جموں و کشمیراچ مسلماناں دی مذہبی آزادی کوں سنگین چیلنجز دا سامݨا اے تے عام لوکاں کوں خصوصی مذہبی موقع تے جمع تھیوݨ توں روکیا ویندا پئے ۔ انہاں آکھیے کشمیری عوام دے آزادی نال آپݨے مذہب تے عمل کرݨ تے پرامن اسمبلی دے حقوق دا احترام کیتا ونڄݨا چاہیدے۔
