منسک۔11اپریل(اے پی پی:وفاقی وزیر اطلاعات و نشریات عطاءاللہ تارڑ وزیراعظم محمد شہباز شریف دے دورہ بیلاروس کوں اہم تے ݙوہیں ملکاں وچال تعلقات اچ مثبت پیشرفت قرار ݙیندے آکھیے پاکستان عالمی سطح تے ابھردی ہوئی معیشت دے طور تے سامݨے آںدا پئے ۔ گزریل ھک سال اچ پاکستان عالمی سطح تے تنہائی توں نکل تے فعال خارجہ پالیسی دے پاسے قدم ودھائے ، عالمی سرمایہ کار پاکستان آتے مختلف منصوبیں اچ سرمایہ کاری کریندے پئن ، مختلف ملکاںنال پاکستان دے معاہدے عملی شکل اختیار کرڳئن ، وزیراعظم شہباز شریف دے دورہ بیلاروس اچ زرعی مشینری، دفاع، دفاعی پیداوار تے مختلف شعبیں اچ تعاون ودھاوݨ سانڳے مفاہمتی یادداشتاں تے دستخط تھیسن۔ وزیراعظم محمد شہباز شریف دے دورہ بیلاروس تے خصوصی ڳالھ مہاڑ کریندے وفاقی وزیر اطلاعات آکھیے وزیراعظم محمد شہباز شریف دا دورہ بیلاروس ٻہوں اہمیت رکھیندے ، بیلاروس دے صدر الیگزینڈر لوکاشینکو دے کجھ مہینے پہلے دورہ پاکستان دے دوران ٻہوں سارے شعبیں اچ تعاون ودھاوݨ تے اتفاق تھیا ہئی ، وزیراعظم شہباز شریف کدے دورہ بیلاروس دے دوران زرعی مشینری، دفاع، دفاعی پیداوار تے مختلف شعبں اچ تعاون ودھاوݨ سانڳے مفاہمتی یادداشتاں تے دستخط تھیسن ، پاکستان تے بیلاروس وچال تعلقات کوں مزید وسعت ݙیوݨ تے ڳالھ تھیس ی ۔ عطاءاللہ تارڑ آکھیے بیلاروس دے صدر دا مسلم لیگ (ن) دے قائد محمد نواز شریف نال ذاتی تے پراݨا تعلق اے ، محمد نواز شریف کوں بطور مہمان خصوصی غیر رسمی عشایئے تے سݙیا ڳئے ، وزیراعظم شہباز شریف دا دورہ بیلاروس اہم اے جیڑھا ݙوہیں ملکاں وچال تعلقات اچ مثبت پیشرفت ثابت تھیسی ۔ وفاقی وزیر آکھیے پی ڈی ایم دور حکومت اتے گزریل ھک سال اچ پاکستان عالمی سطح تے تنہائی توں نکل تے فعال خارجہ پالیسی دے پاسے قدم ودھائے ، ٻہوں سارے عالمی سربراہان پاکستان دے دورے کیتے، پاکستان شنگھائی تعاون تنظیم (ایس سی او) سربراہ اجلاس دی میزبانی کیتی، مختلف ملکاں نال پاکستان دے معاہدے تھئن جیڑھے جو عملی شکل اختیار کرڳئن ۔ پاکستان منرلز انوسٹمنٹ فورم اچ پوری دنیا اچوں 300 توں ودھ ماہرین اتے مندوبین شرکت کیتی، سرمایہ کار پاکستان آتے مختلف منصوبیں اچ سرمایہ کاری کریندے پئن۔ بزنس فورمز کراوݨ نال ملکی معیشت کوں استحکام ملدا پئے جݙاں جو پاکستان عالمی سطح تے ابھردی معیشت دے طور تے سامݨے آندا پئے۔
