منسک۔11اپریل(اے پی پی) وزیر تجارت جام کمال آکھیے موجودہ حکومت ملک اچ سرمایہ کاری دے ودھارے تے کاروباری لوکاں سہولت سانڳے موثر اقدامات چیندی پئی اے ،دنیا پاکستان اچ سرمایہ کاری کرݨ آندی پئی اے ، پالیسی ریٹ، بجلی دےنرخاں اچ کمی، مہانگ اچ کمی سودھے معاشی اشاریے مثبت پاسے ٹردے پئن ، اڄ پوری دنیا ایں کامیابی کوں منیندی پئی اے ،وزیراعظم اتے انہاں دی ٹیم گزریل سال اچ پیش آندے چیلنجز دا جیویں سامݨا کیتے ماضی اچ ایندی مثال نی ملدی ۔وزیراعظم دے دورہ بیلاروس دے حوالے نال ڳالھ کریندے انہاں آکھیے کجھ مہینے پہلے بیلاروس دے صدر پاکستان دے دورے تے آئے ہن ، ݙوہیں ملکاں وچال جے ایم سیز اتے کاروباری سطح تے اجلاس تھئے ، ہݨ وزیراعظم پاکستان بیلاروس دے دورہ تے آئن ایندا مقصد مختلف ملکاں اچ دستیاب موقع توں فیدہ چاوݨا اے اڄ پاکستان دے 100 لوک بی ٹو بی دے شعبے اچ آئن تے اتھاں دستیاب موقع ڳولیندے پئن ۔ وزیراعظم شہباز شریف ایں حوالے نال ذاتی کوششاں کریندے پئن ، وزیراعظم ٻاہرلے ملک دوریں تے آپݨے نال کاروباری وف گھن تے ویندے پئن ، وزیراعظم نال ونڄݨ آلی بزنس کمیونٹی کوں ریگولیٹرز،اعلی حکام اتے وزراء دے نال رابطے استوار کرݨ دا موقع ملدے ، اے پہلی واری پاکستان اچ تھیندا پئے ۔ ماضٰ اچ کجھ پسندیدہ لوک ویندے ہن ، وفاقی وزیرآکھیے ایں واری مختلف شعبیں اچ سو توں ودھ کاروباری لوک اتھاں موجود ہن ۔ وزیراعظم پہلے ݙینھ توں ایہو اکھیندے پئں جو اڄ دنیا ایں پاسے آندی پئی اے جو ٹیرف دے حوالے نال جیڑھے چیلنجز درپیش ہن ایں کوں بزنس کمیونٹی ہی حل کریسی۔ اساں اپݨی بزنس کمیونٹی دی معاونت تے ایں کوں تکڑا کریندے پیوں ، پاکستان اچ ٻہوں چیلنجز ہن لیکن وزیراعظم اتے انہاں دی ٹیم گزریل سال دے دوران انہاں چیلنجز دا جیویں سامݨا کیتے ماضی اچ ایندی مثال نی ملدی۔ ان شاء اللہ ہر گزدا ݙینھ مزید بہتر تھیندا پئے ، پالیسی ریٹ، بجلی ریٹ، مہانگ گھٹ تھیوݨ تے مجموعی طور تے کرنسی دی بحالی سودھے باقی چیزاں اچ وی بہتری نظر آندی پئی اے ۔پاکستان اچ کامیاب منرلز کانفرنس تھئی جیئں ا امریکا ، سعودی عرب، ترکیہ سودھے مختلف ملکاں توں سرمایہ کار تے کاروباری لوک آئے ، جیڑھے اقدامات تے جیڑھے چیلنج ہن انہاں دا سامݨا کریندے پیوں تے معاملات چنڳائی آلے پاسے ویسن۔
