اسلام آباد۔11اپریل(اے پی پی) صدر مملکت آصف علی زرداری ضلع لوئر دیر اچ کامیاب آپریشن اچ 2 خوارج کوں جہنم واصل کرݨ تے سکیورٹی فورسز کوں خراج تحسین پیش کیتے۔ ایوان صدر دے پریس ونگ توں جاری بیان موجب صدر مملکت خفیہ معلومات تے مبنی کارروائی دے دوران ہائی ویلیو ٹارگٹ سودھے فتنہ الخوارج دے 2 دہشت گرداں کوݨ مکاوݨ تے سکیورٹی فورسز دی بہادری دی تعریف کیتی۔ انہاں کارروائی دے دوران دہشت گرداں دے سرغنہ کوں جہنم واصل کرݨ تے سکیورٹی فورسز دی تعریف کیتی تے آکھیے کارروائی اچ دہشت گرداں دے سرغنہ کوں ہلاک کرݨ سیکورٹی فورسز دی وݙی کامیابی اے ۔ صدر مملکت آکھیے دہشت گرداں دے منڈھوں خاتمے تئیں سکیورٹی فورسز دی کارروائیاں جاری رہسن۔ آصف علی زرداری آکھیے پاکستان دی سکیورٹی فورسز دا دہشت گردی مکاوݨ سانڳے کامیاب کارروائیاں کرݨ چنڳی ڳالھ اے ۔ انہاں فتنۃ الخوارج دے منڈھوں مکݨ تئیں قومی عزم دا اظہار کیتے۔
