منسک۔11اپریل(اے پی پی) وزیراعظم محمد شہباز شریف بیلاروس دے صدر الیگزینڈر لوکاشینکو دی مہمان نوازی تے انہاں دا شکریہ ادا کریندے آکھیے اڄ پاکستان بیلاروس تعلقات اچ ھک یادگارݙینھ اے ، بیلاروس نال تعلقات کوں اُتے گھن ویسوں ۔ بیلاروس دے صدر نال ملاقات دے بعد ایکس تے آپݨے سنھیے اچ وزیراعظم آکھیے بیلا روس دے صدر الیگزینڈر لوکاشینکو نال خوشگوار ملاقات تھئی، میݙی اتے میݙے وفد دی مہمان نوازی تے میں انہاں دا شکریہ ادا کیتے۔ انہاں آکھیے ملاقات اچ اساں ݙوطرفہ تعاون دے سارے شعبیں دا جائزہ ڳھدا جئیں اچ سیاسی، تجارتی، سرمایہ کاری، اتے عوام نال عوام دے رابطے شامل ہن ۔ وزیراعظم آکھیے بیلاروس اچ قومی تعمیر دی کوششاں اچ حصہ پاوݨ سانڳے 150,000 توں ودھ انتہائی ہنر مند پاکستانیاں کوں بیلا روس بھیجݨ تے اتفاق تھئے، زراعت اتے غذائی تحفظ دے شعبیں اچ تعاون ودھاوݨ تے الیکٹرک بساں تے زرعی مشینری دی تیاری اچ ممکنہ مشترکہ منصوبے ایجھے اقدامات ہن جیڑھے ساݙی دوستی دے پائیدار بندھن کوں دیرپا شراکت داری اچ بدالݨ اچ معاون ہوسن ۔ وزیراعظم آکھیے صدر لوکاشینکو اتے میں پاکستان اتے بیلاروس دے تعاون کوں ودھاوݨ دی بھرپور خواہش رکھیندوں۔
