وزیراعظم شہباز شریف نال بیلاروس دی قومی اسمبلی دی کونسل آف ری پبلک دی چیئرپرسن تے ایوان نمائندگان دے چیئرمین دی ملاقات

Minsk: Chairperson of the Council of the Republic of the National Assembly of Belarus Ms. Natalya Kochanova and the Chairman of the House of Representatives of the National Assembly of Belarus Mr. Igor Sergeenko call on Prime Minister Muhammad Shehbaz Sharif on April 11, 2025.

منسک۔11اپریل(اے پی پی) وزیراعظم محمد شہباز شریف پاکستان اتے بیلاروس وچال تعلقات اچ اڄوکی پیشرفت کوں انتہائی مثبت قرار ݙیندے ݙوہیں ملکاں دے پارلیمنٹیرینز دے تبادلیں تے پارلیمانی رابطے اچ مزید بہتری گھن آوݨ دی خواہش دا اظہار کیتے ۔ وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف نال بیلاروس دی قومی اسمبلی دی کونسل آف ری پبلک دی چیئرپرسن نتالیہ کوچانووا اتے ایوان نمائندگان دے چیئرمین ایگور سرجیینکو ملاقات کیتی۔ ݙوہیں پاسوں پاکستان اتے بیلاروس دے ارکان پارلیمنٹ وچال تعلقات  مزید ودھاوݨ تے ڳالھ مہاڑ کیتی ۔ انہاں ݙوپاسے تعلقات ودھاوݨ اچ پارلیمانی رابطے دی اہمیت کوں اجاگر کیتے سارے شعبیں اچ تعاون ودھاوݨ دے آپݨے عزم دا اعادہ کیتے ۔ ایں موقع تے وزیراعظم آکھیے پاکستان اتے بیلاروس وچال تعلقات اچ اڄوکی پیشرفت مثبت اے ۔ انہاں ݙوہیں ملکاں دے پارلیمنٹیرینز دے تبادلیں تے پارلیمانی رابطے اچ مزید بہتری دی خواہش دا اظہار کیتے ۔ملاقات اچ نائب وزیراعظم / وزیر خارجہ اسحاق ڈار ، وفاقی وزیر مواصلات عبدالعلیم خان، وفاقی وزیر تجارت جام کمال  اتے  وفاقی وزیر اطلاعات و نشریات عطاء اللہ تارڑ وی موجود ہن۔

متعلقہ مضامینمصنف کی طرف سے مزید