اسلام آباد۔12اپریل(اے پی پی) وفاقی وزیر نیشنل فوڈ سکیورٹی رانا تنویر حسین نال چائنہ ڈونکی انڈسٹری دے وائس پریذیڈنٹ زاہو فی ملاقات کیتی ۔ جاری بیان موجب ایں موقع تے رانا تنویر حسین آکھیے پاکستان اچ ڈونکی بریڈنگ سانڳے سازگار ماحول موجود ہن۔رانا تنویر حسین آکھیے ڈونکی فارم دے قیام دی اجازت قانونی تقاضے پورے کرݨ دے بعد ݙتی ویسی ۔ پاکستان اچ موجود مقامی نسل دی بریڈنگ متاثر نہ تھیوݨ ݙتی ویسی ۔ انہاں آکھیے چینی ڈونکی انڈسٹری کوں گوادر ایکسپورٹ پراسیسنگ زون اچ فارم بݨاوݨ دی اجازت ݙتی ویسی ۔ گوادراچ ڈونکی سلاٹر ہاؤس اتے ایکسپورٹ سہولتاں ݙتیاں ویسن ، ڈونکی گوشت دی چین کوں برآمد نال پاکستان دی ایکسپورٹ اچ ودھارا تھیسی ،پاکستان اتے چین وچال تجارتی تعلقات اچ مزید بہتری آسی ۔ وفاقی وزیر رانا تنویر حسین آکھیے ڈونکی انڈسٹری دے ودھارے نال معاشی موقع اتے روزگار اچ ودھارا تھیسی۔
