چشمہ لفٹ کینال منصوبہ بلاول بھٹو زرداری دی خصوصی کوششاں دا عملی نتیجہ اے ، فیصل کریم کنڈی

اسلام آباد۔13اپریل(اے پی پی) گورنرخیبرپختونخوا فیصل کریم کنڈی آکھیے خیبر پختو نخوا دی ترقی سانڳے گورنر ہاؤس پیپلز پارٹی دے چیئرمین بلاول بھٹو زرداری دے وژن موجب کوشاں اے ، چشمہ لفٹ کینال منصوبہ بلاول بھٹو زرداری دی خصوصی کوششاں دا عملی نتیجہ اے ۔ اے ڳالھ انہاں گورنر ہاؤس اسلام آباد اچ وفد کوں ڳالھ مہاڑ اچ آکھی ۔گورنرنال ملاقات کرݨ آلیں اچ پیپلز پارٹی خیبرپختونخوا دے صوبائی جنرل سیکرٹری شجاع خانزادہ المعروف شازی خان ، ڈپٹی جنرل سیکرٹری ابرار سعید سواتی ، ہلال احمر خیبرپختونخوا دے چیئرمین حبیب ملک اورکزئی ، وائس چیئرمین فرزند علی وزیر ،معروف کاروباری شخصیت سابق اولمپیئن شاہد شینواری تے ٻئے شامل ہن ۔گورنر خیبرپختونخوا آکھیے چشمہ لفٹ کینال صوبہ خیبرپختونخوا دا پراݨہ مطالبہ ہئی چیئرمین بلاول بھٹو زرداری دی خصوصی سفارش تے وفاقی حکومت ایں منصوبے سانڳے بجٹ مختص کیتے تے ہݨ ایں دے پہلے مرحلے دے ٹینڈر وی تھی چکئن جئیں تے اساں وزیراعظم محمد شہباز شریف ، چیئرمین بلاول بھٹو زرداری اتے چیئرمین واپڈا دے مشکور ہیسے۔