لاہور۔13اپریل(اے پی پی) صوبائی وزیر اطلاعات و ثقافت پنجاب عظمی بخاری معروف اداکار و کامیڈین جاوید کوڈو دے انتقال تے ݙکھ تے افسوس کیتے ۔ آپݨے تعزیتی بیان اچ انہاں آکھیے جاوید کوڈو دے انتقال تے اہلخانہ نال تعزیتی تے دلی ہمدردی کریندوں ، انہاں آکھیے مرحوم کامیڈی دی دنیا دا ھک وݙا ناں ہن ،جاوید کوڈو اپݨے فن توں لکھاں لوکاں کوں آپݨا گرویدہ بݨایا۔ عظمی بخاری آکھیے جاوید کوڈوھک نامور کامیڈین ہووݨ دے نال نال ھک نفیس شخصیت دے حامل انسان وی ہن ،انھاں دی تھیٹر اتے کامیڈی دی دنیا اچ خدمات ہمیشہ یاد رکھیاں ویسن جݙاں جو کامیڈی دی دنیا اچ انہاں دا خلا صدیاں پورا نی تھی سڳدا ۔وزیر اطلاعات عظمی بخاری مرحوم دی مغفرت اتے اُچے درجات سانڳے دعا منڳی اے۔
