اسلام آباد۔13اپریل(اے پی پی) چیئرمین سینیٹ سید یوسف رضا گیلانی ایران اچ 8 پاکستانی مزدوراں دے بہیمانہ قتل تے ݙکھ تے افسوس کیتے ۔ سینیٹ سیکرٹریٹ میڈیا ڈائریکٹوریٹ توں جاری بیان اچ انہاں متاثرہ خانداناں نال دلی ہمدردی تے افسوس کیتے ، انہاں مرحومین سانڳے دعائے مغفرت تے پسماندگان سانڳے صبر دی دعا منڳی ۔ڈپٹی چیئرمین سینیٹ سیدال خان وی اپݨے انڄ بیان اچ ایران اچ پاکستانی مزدوراں دے قتل تے ݙکھ تے افسوس کیتے ، انہاں آکھیے اے واقعہ ہرپاکستانی دے دل کوں ݙکھاوݨ آلا اے ۔ انہاں واقعے کوں قابلِ افسوس قرارݙیندے آکھیے نشوم تے بے گناہ محنت کشاں دا قتل انسانیت سوز فعل اے جئیں پوری قوم کوں ݙکھی کرݙتے۔ نشوم جاناں دا ایہو سواں قتل ناقابلِ برداشت اے۔ انہاں مرحومین دے اُچے درجات تے ݙکھی خانداناں سانڳے صبر تے حولے دی دعا منڳی۔
