اسلام آباد۔13اپریل(اے پی پی) وزیراعظم محمد شہباز شریف نامور فنکار ٹپ کامیڈین جاوید کوڈو دی وفاتے تے ݙکھ تے افسوس کیتے ۔ انہاں مرحوم دے اُچے درجات انہاں دے گھرآلیں سانڳے صبر دی دعا منڳی ۔ وزیراعظم دفتر دے پریس ونگ توں جاری تعزیتی بیان اچ وزیراعظم محمد شہباز شریف آکھیے جاوید کوڈوجیڑھے اپݨے چھوٹے قد اتے قدآوراداکاری پاروں مشہور ہن انہاں دی وفات توں میڈیا انڈسٹری اچ ایجھا خلاء پیدا تھی ڳئے جیڑھا شاید کݙاہیں پر نہ تھی سڳے ۔ وزیرِاعظم آکھیے اوکھے ویلھے ساݙیاں ہمدردیاں مرحوم جاوید کوڈو دے گھرآلیں نال ہن۔
