اسلام آباد۔13اپریل(اے پی پی) اسپیکرقومی اسمبلی سردارایاز صادق نوشہرہ اچ محکمہ ایکسائز دے موبائل سکواڈ تے فائرنگ دے واقعہ دی شدید مذمت کیتی اے ۔ قومی اسمبلی سیکرٹریٹ توں جاری بیان موجب اسپیکر قومی اسمبلی حملے دے نتیجے اچ پولیس اہلکاراں دی قیمتی جاناں دے ضیان تے ݙکھ تے افسوس کیتے ، انہاں ݙکھی خانداناں نال تعزیت کیتی انہاں آکھیے میں انہاں خانداناں دے ݙکھ اچ برابر دا شریک ہاں جنہاں ایں المناک واقعے اچ آپݨے پیاریں کوں ونڄا ݙتے۔ اوکھے ویلھے شہید اہلکاراں دے اُچے درجات تے انہاں دے گھرآلیں سانڳے صبر دی دعا وی منڳی۔
