اسلام آباد۔14اپریل (اے پی پی) وزیر اعظم محمد شہباز شریف پاکستان اتے پوری دنیا اچ وسݨ آلے سکھ بھراواں کوں بیساکھی دے تہوار تے مبارخ ݙیندیں ہوئیں آکھیا جو خواہش اے جو اے ݙینھ خوشی اتے خوشحالی ڳھن تے آوے۔سنوار کوں پی ایم آفس دے میڈیا ونگ توں جاری بیان موجب وزیر اعظم محمد شہباز شریف بیساکھی دے ݙینھ دی مناسبت نال آپݨے سنیھے اچ آکھیا جو اڄ دا ݙینھ نہ صرف فصلاں دے پکݨ دا اعلان اے بلکہ اے ہک تہوار دے طور منایا ویندے کیونجو اے کساناں کیتے وݙی خوشی دا ویلھا ہوندے جو او آپݨی محنت دا پھل ڳھندن۔ وزیراعظم دعا کیتی جو بیساکھی ہر میدان اچ خوشحالی، ہر دل کوں سکون اتے پاکستان دے کونے کونے اچ ترقی ڳھن تے آوے۔
