کوئٹہ۔ 15 اپریل (اے پی پی) بلوچستان دے ضلع مستونگ اچ کھنڈ محسوری دے نیڑے دشت روڈ تے بلوچستان کانسٹیبلری دی ڳاݙی دے نیڑے موٹرسائیکل اچ لڳیا ریموٹ کنٹرول بم دا دھماکہ تھیا جئیں اچ ترائے اہلکار شہید اتے ݙو زخمی تھی ڳئے۔ پولیس موجب واقعہ اوں ویلھے تھیا جڈاں اہلکار ڈیوٹی توں واپسی امدے پئے ہن۔ پولیس اتے سکیورٹی فورسز واقعے دی ڄاہ تے پڄ تے شہید اہلکاراں دی لاشاں اتے زخمیاں کوں فوری مقامی ہسپتال پجایا جتھ زخمیاں کوں طبی امداد ݙتی ویندی پئی اے۔ پولیس اتے سکیورٹی فورسز علاقے دی ناکہ بندی کرتے ملزماں دی ڳول شروع کر ݙتی اے۔
