اسلام آباد۔15اپریل (اے پی پی) سپیکر قومی اسمبلی سردار ایاز صادق آکھیا جو نینگر افسر ملک دے سفیر اتے پاکستان دا روشن مستقبل ہن، انہاں دی محنت اتے کامیابی تے اساکوں فخر اے، پاکستان دے مثبت تاثر کوں اجاگر کرݨ تساں ساریاں دی ذمہ واری ہووݨی چاہیدی اے۔ منگل کوں فارن سروس اکیڈمی اچ پاس آئوٹ تھیوݨ آلے افسراں نال خطاب کریندیں ہوئیں سپیکر آکھیا جو پاکستان کوں دہشت گردی اتے موسمیاتی تبدیلی سویں سنگین چیلنجز ہن۔ مذاکرات سارے مسئلیاں دا ہکو حل ہن پر دہشت گرداں اتے ریاست مخالفاں نال آہنی ہتھیں نال نبڑسوں۔ سپیکر قومی اسمبلی آکھیا جو بطور سپیکر ہمیشہ پاکستان دے مثبت اتے حقیقی تاثر کوں اجاگر کیتے۔ نینگر افسر ملک دے سفیر اتے پاکستان دا روشن مستقبل ہن، انہاں دی محنت اتے کامیابی تے اساکوں فخر اے۔
