اسلام آباد۔15اپریل (اے پی پی) چیئرمین سینیٹ سید یوسف رضا گیلانی دی مستونگ اچ بلوچستان کانسٹیبلری دی ڳاݙی تے آئی ای ڈی حملے دی شدید مذمت کیتی جئیں اچ ترائے اہلکار شہید اتے کئی زخمی تھیے۔ سینیٹ سیکرٹریٹ موجب چیئرمین سینیٹ آکھیاجو ملک دشمن امن و امان کوں سبوتاژ کرݨ کیتے بزدلانہ ہتھکنڈے استعمال کریندے پئن پر قوم آپݨے شہیداں دی قربانیاں کوں رائیگاں نہ ونجݨ ݙیسی۔ سید یوسف رضا گیلانی شہیداں دے ٹبراں نال دلی ہمدردی اتے تعزیت کریندیں ہوئیں زخمیاں دی جلدی صحت یابی کیتے دعا کیتی۔
