اسلام آباد۔15اپریل(اے پی پی)وزیر خزانہ سینیٹر محمد اورنگزیب عالمی کریڈٹ ریٹنگ ایجنسی فچ ولوں پاکستان دی معاشی ریٹنگ اچ بہتری دا خیر مقدم کریندے آکھیے جو پاکستان دی ریٹنگ ٹرپل سی پلس توں بی مائنس کرݨ پاکستان دی معاشی اصلاحات اتے پالیسیاں تے اعتماد دا ثبوت اے، فچ ریٹنگز 3 سال بعد پاکستان دی ریٹنگ اپ گریڈ کیتی اے اتے ساݙا معاشی آئوٹ لک مستحکم قرار ݙتے جیندے نال حکومت دے معاشی ایجنڈے کوں اڳونہی ملسی۔ انہاں آکھیا جو کریڈت ریٹنگ ودھݨ نال ملک اچ مزید سرمایہ کاری، تجارت، روزگار دے مواقع ودھسن اتے صنعتی ترقی سودھا اضافی مالی وسائل ملسن۔ وزیرخزانہ عزم دوہرائے جو حکومت معاشی اصلاحات اتے معاشی استحکام دا سفر جاری رکھسی۔
