اسلام آباد۔15اپریل(اے پی پی)ترجمان دفتر خارجہ تصدیق کیتی اے جو لیبیا دے ساحل دے نیڑے کشتی حادثے اچ 4 پاکستانیاں سسودھا 11 لوک موئن، اے حادثہ مشرقی لیبیا اچ تھئے۔ ترجمان موجب طرابلس اچ پاکستان دے مشن ݙسائے جو غیر ملکی شہریاں کوں ڳھن ونڄݨ آلی ہک کشتی حروا دے ساحل، سرت شہر (مشرقی لیبیا) دے نیڑے ٻݙی اے، جیندے اچ 11 تارکین وطن دے مرݨ دی تصدیق تھئی اے۔انہاں مرݨ آلیاں اچ 4 پاکستانی وی شامل ہین۔ مرݨ آلے پاکستانیاں اچ زاہد محمود ولد لیاقت علی ساکن گوجرانوالہ، سمیر علی ولد راجہ عبدالقدیر ساکن منڈی بہائوالدین، سید علی حسین ولد شفقت الحسنین ساکن منڈی بہائوالدین اتے آصف علی ولد نذر محمد ساکن منڈی بہائوالدین شامل ہین۔ پاکستانی سفارتخانہ طرابلس اچ لیبئن حکام نال رابطے اچ اتے ایں سانڳے وزارت خارجہ دا کرائسز مینجمنٹ یونٹ فعال کرݙتا ڳئے جتھاں معلومات کیتے فون نمبر 051-9207887 اتے ای میل: cmu1@mofa.gov.pk تے رابطہ کیتا ونڄ سڳدے۔
